Safari ya kihistoria ya Afisi ya Mwanasheria Mkuu Zanzibar tangu kuanzishwa kwake hadi sasa.
Afisi ya Mwanasheria Mkuu ni miongoni mwa taasisi kongwe zilizoanzishwa Zanzibar katika kipindi cha utawala wa kikoloni mnamo mwaka 1913–1914. Kazi yake kuu ilikuwa kutoa ushauri wa kisheria kwa Serikali na kusimamia masuala ya kisheria kwa niaba ya Serikali.
Mwaka 1926 Mwanasheria Mkuu alikuwa miongoni mwa wajumbe wa Baraza la Kutunga Sheria na Utawala, akiendelea kushiriki katika masuala ya kisheria hadi kipindi cha Mapinduzi ya mwaka 1964.
Baada ya Mapinduzi ya Zanzibar ya mwaka 1964, Afisi ya Mwanasheria Mkuu iliendelea kutekeleza majukumu ya kisheria kwa Serikali ya Mapinduzi ya Zanzibar. Nafasi ya Mwanasheria Mkuu ilitambuliwa rasmi ndani ya Katiba ya Zanzibar ya mwaka 1984 chini ya kifungu cha 55(1).
Kwa sasa, kazi na majukumu ya Afisi yameongezeka kwa mujibu wa Sheria ya Afisi ya Mwanasheria Mkuu (Utekelezaji wa Majukumu) Nam. 6 ya mwaka 2013, sambamba na mabadiliko ya kiuchumi, kijamii na kiutawala.
Faili la PDF lina maelezo ya kina kuhusu historia, mabadiliko na maendeleo ya Afisi ya Mwanasheria Mkuu Zanzibar.